Drejtori i Inter-it, Beppe Marotta insiston se sulmuesi Lautaro Martinez, është i lumtur në klub, derisa ka mohuar spekulimet se janë në bisedime me Emerson Palimieri-n.

Që disa muaj ka raportime për interesimin e Barcelonës për argjentinasit, derisa ende s’është arritur marrëveshja, transmeton portali arbresh.info.

Mirëpo, Marotta ka thënë se Martinez është i lumtur në klub, ndërsa nuk ka bërë ndonjë kërkesë në të cilin kërkon largimin.

“Lautaro nuk ka treguar ndonjë shenjë që dëshiron të largohet. Pavarësisht datave dhe afateve, situata mbetet e njëjtë, Inter nuk dëshiron t’i shesë kampionët ose talentët e rinj”.

“Nëse lojtari do kërkonte largimin, do e shikonim se bashku, por deri me tani nuk ka ndonjë kërkesë të tillë”.

Gjithashtu Marotta ka hedhur poshtë edhe spekulimet se kanë nisur negociatat me mbrojtësin e Chelsea-s, Emerson Palmieri.

“E di që ka shumë pyetje për spekulimet e merkatos, por mund të them se nuk ka ndonjë kontakt ose që kanë nisur negociata për Emerson Palimieri”, përfundoi ai./arbresh.info.